O proxecto busca contribuír á divulgación, respecto e protección deste espazo natural. A través de percorridos adaptados ás idades dos alumnos e alumnas, explicaráselles a importancia da lagoa, a súa flora e fauna, a súa historia e as figuras de protección que a amparan.
A iniciativa está aberta a todos os centros de Educación Primaria e Secundaria de Galicia, e a participación é gratuíta. Os centros interesados en concertar unha visita poden enviar un correo electrónico a ferrol@sghn.org ou chamar ao 698 14 13 84, indicando o nome do centro, curso e número de alumnos.
A lagoa da Frouxeira conta con importantes figuras de protección, como a de humidal protexido de importancia internacional, zona de especial protección para as aves (ZEPA), zona de especial protección dos valores naturais (ZEPVN) e zona de especial conservación (ZEC).
