A unidade móbil da Axencia de Doazón de Órganos e Sangue desprazarase ao municipio de Valdoviño este xoves 22 de outubro. Permanecerá no aparcadoiro da cooperativa de Meirás en horario de tarde, de 16:00 a 21:00 horas.
Pode doar calquera persoa maior de 18 anos, que pese máis de 50 quilos e non padeza nin teña padecido enfermidades transmisibles polo sangue, como VIH ou hepatite B ou C.
A doazón de sangue descríbese como un acto sinxelo que permite a moitas persoas solucionar problemas de saúde e mesmo salvar a súa vida.
