A alcaldesa de Narón, Marián Ferreiro, e a concelleira de Festas, Mar Gómez, presentaron hoxe a programación deseñada para celebrar o Día de Narón o vindeiro 23 de novembro. Esta data conmemora a primeira acta oficial conservada do ano 1837. As actividades desenvolveranse na praza 23 de novembro, e en caso de choiva trasladaranse ao pavillón campo da Serra.
A xornada comezará entre as 11:30 e as 12:30 horas con xogos populares. A partir das 12:30 horas, actuará o grupo da Escola das cantareiras/pandereiteiras e a Banda de Gaitas do Padroado da Cultura do Concello de Narón. Entre as 13:00 e as 15:00 horas, haberá unha degustación de callos e bolos preñados.
A festa continuará pola tarde coa actuación do Dúo Trasnos, de música e baile tradicional, que pechará a programación do día. Ademais, enmarcada nesta festividade, celebrarase a trixésimo sétima edición da Gala do Deporte de Narón o venres 27 de novembro ás 21:00 horas no Pazo da Cultura, onde se premiarán aos mellores deportistas e clubs do ano.
“"É un día para que todas e todos amosemos en público o orgulloso pola nosa cidade, da súa historia e das súas tradicións, no que todos nos sintamos parte dela e desfrutemos xuntos dunha programación festiva."




