O equipo nacional proclamouse campión do mundo por primeira vez na súa historia tras impoñerse a Xapón na final do 4º Campionato do Mundo, disputada en Granollers. O combinado español gañou por 1-2, cun resultado de 9-13, 17-5 e 5-6 nos parciais.
Este logro sitúa a Narón no máis alto do panorama internacional deste deporte. Bermúdez Doce, extremo dereito, e López Porta, gardameta, formáronse deportivamente no Basketmi Ferrol antes de dar o salto á competición internacional coa selección española.
“"Que dous naroneses estean hoxe no máis alto do podio mundial é motivo de orgullo para todo o Concello. Grazas por representarnos tan ben."
Durante o acto de recepción, a rexedora amosou o seu recoñecemento ao esforzo e á traxectoria destes dous deportistas, destacando a importancia de visibilizar o deporte adaptado e o traballo que hai detrás dun título mundial.
