O certame, que conmemora o Día das Bibliotecas (24 de outubro), estivo organizado en colaboración coa Subdirección de Humanización, Calidade e Atención á Cidadanía, e coa Asociación Deportiva e Cultural da Área Sanitaria de Ferrol (Adecasfe). Nesta edición, os 15 traballos presentados tiveron como temática o 50 aniversario do Hospital Arquitecto Marcide do Complexo Hospitalario Universitario de Ferrol.
A entrega de galardóns tivo lugar no salón de actos do Hospital Arquitecto Marcide. Ademais das gañadoras, Catalina Martín Suárez (Airiño) quedou finalista pola pintura Cincuenta anos dando vida, e Juan Manuel Ocampo Dobalo (Cristaleiro) pola fotografía Na xanela, paciente. Os traballos exporanse nos vindeiros días no corredor principal do hospital.
O concurso estaba aberto a todas as persoas que traballan ou traballaron na Área Sanitaria ferrolá, tanto no ámbito hospitalario como nos centros de saúde e Puntos de Atención Continuada. As obras debían ser inéditas e non premiadas con anterioridade.
O xurado estivo composto por Silvia López Díaz-Robles (supervisora de Calidade), Amanda Gómez Costa (secretaria de Adecasfe), Laura Almeida López (supervisora de Humanización), Cruz Sabio Teijeiro (administrativa da Unidade de Docencia), Catuxa Rodríguez López (técnico superior en Prevención de Riscos Laborais), Eloy Taboada Rivas (antigo profesor de Fotografía da Adescafe) e Manuel Carballeira Rivas (profesor de Pintura da Asociación).
