O proxecto, enmarcado na Liña 4 da convocatoria de axudas para a xestión de residuos municipais, busca fomentar a recollida separada e a reutilización de materiais téxtiles a través de obradoiros e campañas de sensibilización.
As actuacións previstas inclúen obradoiros de reutilización de materiais téxtiles, promoción de prácticas de consumo responsable, elaboración de material informativo e fomento da participación cidadá na xestión de residuos.
Esta iniciativa reforza o compromiso do Concello cos obxectivos europeos de sustentabilidade e transición cara a unha economía circular, aliñándose coa Lei de residuos e co Plan sectorial de xestión de residuos municipais de Galicia 2030.
A axuda de 8.000,00 € provén do programa Galicia FEDER 2021-2027, cofinanciado nun 60% pola Unión Europea, e está xestionada pola Consellería de Medio Ambiente e Cambio Climático da Xunta de Galicia.
