A decisión foi ratificada pola asemblea ferrolá, que outorgou o respaldo absoluto ao representante, quen tamén contou co aval unánime do Consello Local do BNG. A formación nacionalista destacou a traxectoria de Fernández Alfonzo, licenciado en dereito e cunha carreira laboral vinculada á mellora das condicións de traballo a través da súa implicación no sindicato CIG.

Dende o ano 2020, Ramón 'Mon' Fernández exerce como deputado no Parlamento de Galicia, onde se consolidou como unha voz destacada e portavoz da cidade de Ferrol na cámara autonómica.