A apertura desta nova instalación consolida o compromiso da Xunta de Galicia co fomento dos produtos de proximidade, a tradición mariñeira e a excelencia dos produtos do mar galegos. O proxecto contou co apoio económico do Goberno galego e unha cofinanciación do 70% do Fondo Europeo Marítimo, da Pesca e da Acuicultura (Fempa).
Esta actuación dá continuidade ao proceso de modernización que a confraría iniciou en 2008 coa venda directa de marisco baixo marca propia desde o seu centro de depuración. A nova peixería busca reforzar a relación entre o produtor e o consumidor final, eliminando intermediarios e profundando na valorización dos produtos.
Para tal fin, instalouse un acuario de grandes dimensións que contribuirá a reforzar o atractivo comercial e divulgativo do espazo. A apertura enmárcase nun proxecto máis amplo que permitiu acometer melloras estruturais e operativas nas instalacións da lonxa.
“"Esta peixería supón un salto cualitativo importante para a entidade xa que permite achegar produtos desta lonxa ao consumidor final."
A iniciativa representa un paso clave na modernización das infraestruturas pesqueiras, apostando por lonxas modernas, seguras e eficientes para o futuro da pesca galega e a posta en valor do peixe e marisco das rías.
