A delegada territorial da Xunta en Ferrol, Martina Aneiros, xunto ao alcalde de Cedeira, Pablo Diego Morela, visitou as actuacións que se centran na zona exterior da área de alimentación do forno e na proximidade ao parámetro interior da muralla.
Os labores, que se prolongarán ata o 15 de agosto, inclúen tamén a roza e limpeza manual da vexetación, o estudo dos materiais recuperados e accións de difusión como visitas guiadas e divulgación en redes sociais.
“"Dende a Xunta mantemos un férreo compromiso coa conservación e posta en valor do patrimonio cultural galego, un importante recurso tanto turístico como de identidade cultural."
O castro do Sarridal, un xacemento fortificado da idade do Ferro, está a ser escavado dende 2017. Destaca a localización dunha estrutura tipo sauna, coñecida como “monumento con forno”, das que se conservan moi poucas no noroeste peninsular.
