A intervención, titulada “Galicia, o seu lugar no mundo”, tivo lugar no Salón de Graos da Facultade de Humanidades e Documentación e foi organizada polo coordinador do grao en Relacións Internacionais, o profesor da Universidade da Coruña (UDC), Manuel Andrés Soage Quintáns.
Durante a súa intervención, Gamallo fixo un percorrido pola participación de Galicia nas institucións internacionais nas últimas décadas, abordando tanto o marco normativo como a dimensión práctica da acción galega.
A sesión tamén serviu como espazo de reflexión e debate sobre a Unión Europea, a cooperación transfronteiriza, a cooperación ao desenvolvemento e os principais ámbitos da proxección internacional da comunidade.
Á súa chegada ao centro, Jesús Gamallo foi recibido pola vicerreitora do Campus de Ferrol, Igualdade e Responsabilidade Social, Ana Ares, polo director do Campus Industrial de Ferrol, Marcos Míguez, e pola vicedecana da Facultade de Humanidades e Documentación, Mavi Lezcano.
