Os feitos tiveron lugar na madrugada do pasado 17 de abril, cando unha patrulla realizaba un control de velocidade no quilómetro 4,300 da estrada FE-14. Nese punto, o radar rexistrou un vehículo que superaba amplamente o límite establecido.

O turismo foi interceptado polos axentes, que procederon á identificación do seu condutor. Trátase dun home de 26 anos, quen agora se enfronta a unha investigación por un delito contra a seguridade viaria debido á grave infracción cometida.

As dilixencias correspondentes a este caso xa foron remitidas ao xulgado de garda de Ferrol, onde se continuará coa tramitación legal pertinente.