O suceso rexistrouse ao redor das 16:25 horas no número 5 da citada rúa, nun local que levaba anos sen uso e que albergaba a antiga cetárea de Covas. A alerta chegou ao Centro Integrado de Atención ás Emerxencias-112 a través dun veciño que observou a saída de fume do establecemento.

Desde o 112 mobilizouse unha dotación de sete bombeiros con dous camións, ademais de tres patrullas da Policía Local e unha da Nacional. Dado que o lume se atopaba nun soto, os efectivos tiveron que proceder á ventilación do espazo durante aproximadamente media hora antes de poder acceder.

Segundo fontes do Concello, o orixe exacto do incendio aínda se atopa baixo investigación. Non obstante, confirmouse que, a pesar de ser un local en desuso, no seu interior estaban a levarse a cabo labores de mantemento no momento en que se produciu o incidente.