Efectivos da Policía Nacional e da Policía Local de Fene manteñen un operativo de procura para localizar a un home que presuntamente agrediu a outro varón na parroquia de Sillobre, causándolle a amputación dunha parte da orella cunha fouce.

O suceso produciuse este luns cando o agora fuxido, que portaba unha fouce de grandes dimensións, atacou á vítima sen mediar palabra. A vítima, que non coñecía previamente ao agresor, sufriu unha grave lesión ao ser cercenada a súa orella coa ferramenta agrícola.

Un particular alertou ás forzas de seguridade tras o incidente. O ferido foi trasladado de urxencia ao Complexo Hospitalario Universitario de Ferrol (Chuf), onde foi ingresado para ser intervido cirurxicamente co obxectivo de reimplantar o membro amputado.

O presunto autor dos feitos, que reside como okupa nunha vivenda da zona, atópase en paradoiro descoñecido. Un dispositivo conxunto de ambas as policías, composto por unha ducia de axentes, está despregado nas inmediacións do inmoble onde se lle sitúa habitualmente, á espera de autorización xudicial para acceder ao interior.