A rehabilitación do interior do inmoble, que se prevé que remate nos vindeiros días, permitiu ampliar a súa superficie útil de 171,13 a 277,09 metros cadrados grazas á construción dunha entreplanta. Os traballos incluíron a renovación de tabiquerías, carpintería, sistema eléctrico, calefacción e pavimentos, deixando atrás o deterioro que sufría o edificio.
Este proxecto pon en valor un inmoble incluído no catálogo de bens protexidos por Patrimonio. Unha das súas singularidades é un patín de entrada con escaleiras, un elemento que só conservan outras dúas edificacións en todo Ares: o Xulgado e a Casa da Xuventude.
“"É unha aposta que fixemos pola mellora deste espazo desde o goberno local. A inminente finalización da reforma exemplifica o compromiso mantido no tempo para recuperar o seu esplendor e abrilo á cidadanía."
Ademais, informouse de que xa se adxudicou a pintura exterior que se executará nos próximos meses. Pola súa banda, un representante da Deputación da Coruña subliñou que en Ares sempre hai proxectos e retos novos, en todos os ámbitos, e a Deputación tamén se esforza en contribuír a cumprilos. Lembrou que a entidade provincial investiu 15,6 millóns de euros na localidade na última década a través de instrumentos como o POS ou axudas directas.
Durante a visita, o alcalde e o presidente provincial asinaron un novo convenio de colaboración. Este acordo permitirá construír un ximnasio, vestiarios e unha sala de usos múltiples no contorno do Club de Tenis de Redes. O investimento ascenderá a case 258.000 euros, financiados pola Deputación (150.000 €), o Concello (50.000 €) e o propio Club de Tenis de Redes. As novas instalacións estarán a disposición tanto dos socios do club como de toda a veciñanza de Ares, co obxectivo de dinamizar a vida sociodeportiva de Caamouco. O acto tamén incluíu a entrega de vehículos por parte da entidade provincial para o Club Náutico Ría de Ares e o Club de Remo, reforzando así a súa frota dispoñible.
