Un total de 14.094 persoas están chamadas a participar nos procesos selectivos desta fin de semana. As probas comezarán mañá ás 9,30 horas, estando citados nese horario un total de 1.961 aspirantes pertencentes ás categorías de técnico en farmacia, logopedista e condutor.
Na categoría de técnico de farmacia hai 1.273 persoas admitidas para 38 prazas (31 xerais + 4 discapacidade xeral + 3 discapacidade intelectual). En logopedistas, son 219 aspirantes para 5 prazas, e en condutores, 469 persoas para 15 prazas (2 delas de discapacidade xeral).
Na quenda de tarde, desde as 16,00 horas, terán lugar as probas de acceso para fisioterapeuta, técnico superior en imaxe para o diagnóstico, fontaneiro e técnico especialista en sistemas e tecnoloxías da información. Estes exercicios rexistraron 2.572 persoas admitidas no seu conxunto.
En concreto, serán 870 aspirantes de fisioterapeuta para 27 prazas (2 delas de discapacidade xeral), 1.406 admitidos para técnico superior en imaxe para o diagnóstico (67 prazas, 2 delas de discapacidade xeral), 156 aspirantes de fontaneiro (8 prazas) e 140 de técnico especialista en sistemas e tecnoloxías da información (5 prazas).
O domingo, 25 de outubro, desde as 16,00 horas, completaranse os exames coas categorías de técnico en coidados auxiliares de enfermería (quenda xeral e discapacidade intelectual) e técnico/a de farmacia (quenda de discapacidade intelectual), convocando a 9.561 persoas.
Foron admitidas 9.555 persoas na categoría de TCAE para 1.306 prazas (incluíndo 55 de discapacidade xeral e 40 de discapacidade intelectual), e 6 aspirantes para técnico de farmacia optarán a 3 prazas de discapacidade intelectual.
Os procesos selectivos continuarán durante as xornadas do 8, do 14 e do 15 de novembro.
