O evento, que se celebra ata o domingo, reúne a oito concesionarios que ofrecen unha ampla variedade de turismos novos, seminuevos, quilómetro cero e de ocasión. Os visitantes poderán explorar a oferta en horario ininterrompido de 10:00 a 20:00 horas.

A alcaldesa de Teo, Lucía Calvo, foi a encargada de cortar a cinta inaugural nas instalacións de Minoautos Multimarca, un dos establecementos participantes. Esta edición busca reforzar a posición de TeoAuto como unha das citas comerciais máis relevantes do sector na área de Santiago.

Entre os concesionarios que participan nesta edición atópanse V-Auto, Compostela Motor Seat, Dimolk Peugeot, Antamotor Nissan, Compostela Móvil Toyota, Minoautos Multimarca, Estrella Milladoiro e SiBuscasCoche. Todos eles abrirán as súas instalacións de forma coordinada para mostrar a súa oferta.

Ademais da exposición de vehículos, a feira contará con zonas de aparcamento habilitadas para facilitar a visita do público e unha oferta gastronómica que incluirá pulpería, postos de churros e rosquillas, enriquecendo a experiencia dos asistentes.