A Casa da Cultura de Chantada acolle ata o 3 deste mes unha exposición de fotografía sobre o Mosteiro de Oseira. A mostra ofrece a particular mirada que ofrecen sobre o mosteiro, 18 autores da Asociación Fotográfica O Potiños.
Ademais, na Casa da Cultura de Chantada pódense inscribir as persoas interesadas en asistir a unha nova representación do Centro Dramático Galego. O 3 de outubro ás 18:00h no Salón Teatro de Santiago de Compostela represéntase a obra A gaivota. Ensaio aberto.
O programa de mobilidade do Centro Dramático Galego, 'Subes ao autobús do teatro?', habilita un autobús desde Chantada que sairá da Praza de Galicia ás 15:10h. Esta iniciativa inclúe unha redución no prezo da entrada, que poderá ser de 5€.
As prazas son limitadas e a inscrición é necesaria antes do 30 de setembro. Para máis información, pódese acudir á Casa da Cultura de Chantada ou chamar ao teléfono 982 441 752.
