O festival, que combina a música coa aprendizaxe práctica da organización de eventos, celebrarase en diferentes espazos do centro educativo.
A organización correu a cargo dos estudantes de cuarto da ESO, coa colaboración dos profesores Juan Manuel Vázquez (Música) e Cristina Ouro Gómez (Expresión Artística).
Os concertos comezarán ás cinco da tarde no salón de actos coas actuacións de Lampreas (heavy rock) e Trobar do Caos (pop-rock).
A partir das seis, o novo auditorio xunto á carballeira acollerá a Maira y los Ratones (pop-rock) e The Black Lemmons (rock).
Finalmente, no escenario Biblioquendas, dende as sete da tarde, actuarán Menina (shoegaze) e CMA (ambiente electrónico experimental). Ademais, haberá un mercadillo na cafetería.
