A Plataforma de Contratos Públicos de Galicia recolle esta licitación, que establece un prazo de presentación de ofertas ata o vindeiro 18 de agosto.
A través desta actuación, impulsada ao abeiro do Plan Hurbe, executaranse as obras necesarias para a mellora do estado do firme das vías destes dous lugares da parroquia de Santa María de Ois. Incluiranse intervencións como a renovación dos pavimentos, a posta a nivel das tapas con formigón e a limpeza de drenaxes lonxitudinais. Os traballos terán un prazo de execución de catro meses.
Estas actuacións enmárcanse nun convenio de colaboración asinado o pasado mes de maio entre a Xunta e o Concello de Coirós. O departamento autonómico cofinanciará o 70% da actuación, ademais de contratar e executar as obras. Pola súa banda, o Concello achegará o 30% restante e será o responsable do mantemento e conservación.
A Xunta aposta a través do Plan Hurbe pola colaboración cos concellos na mellora de contornas urbanas e equipamentos públicos co obxectivo de revitalizar o territorio e buscar o reequilibrio territorial.
