O proxecto conta cun investimento superior aos 454.500 euros, achegados pola Consellería de Emprego, Comercio e Emigración da Xunta de Galicia. Durante os próximos nove meses, o alumnado recibirá formación especializada en dúas áreas principais: acabados ríxidos e urbanización, e conservación de montes.
Cada unha das especialidades conta con dez alumnos, que realizarán prácticas e actuacións en diversos espazos públicos do municipio de Miño. Esta formación ten como obxectivo facilitar a inserción laboral dos participantes, quen ao finalizar o programa obterán un certificado de profesionalidade.
Ademais da capacitación técnica, o programa inclúe o compromiso de ofrecer aos alumnos a posibilidade de traballar nunha empresa do sector durante un período mínimo de tres meses unha vez concluído o taller.
