A festa, que se estende ata o vindeiro domingo 12, converte o casco histórico de Betanzos nun gran escenario. O evento conta con preto de 140 postos de artesanía e alimentación, ademais de recreacións históricas, espectáculos e diversas actividades para todos os públicos.
A apertura oficial tivo lugar o venres coa chegada do señor de Andrade á praza da Constitución. O pregón deste ano foi pronunciado por Elena Díaz Blanco, directora da Escola Municipal de Folclore e do Grupo Azogue.
