A histórica regata, organizada polo Kayak Tudense, percorrerá os 14 quilómetros tradicionais entre Salvaterra e Tui. Entre os participantes destacan o campión olímpico cangués Carlos Pérez ‘Perucho’ e os campións do mundo José Ramalho, Adrian Boros, Z Sofia Czéllai-Voros, Tania Fernández e Manu Garrido. A participación mantense similar a edicións anteriores, con 41 clubs de Hungría, Portugal, Madrid e Galicia.
A proba comezará ás 18:00 horas dende Salvaterra, cunha saída espectacular con piraguas dende ambas marxes do río. Os deportistas competirán en K1, K2, C1 e C2, nas categorías cadete, xuvenil, senior e veteráns, ata a meta en Tui, fronte ás gradas da rúa Olímpicos Tudenses. A vila tudense celebra así a súa festa do río, tras o recente Descenso Popular.
“"Ocupa un lugar privilexiado na historia do piragüismo galego."
O acto de presentación contou coa presenza de representantes institucionais. O alcalde de Tui, Enrique Cabaleiro, eloxiou o labor do Kayak Tudense. O concelleiro de Deportes, Rafael Estévez, mencionou proxectos para mellorar as condicións dos clubs. O secretario xeral para o Deporte, Roberto García, subliñou o valor histórico da proba, mentres que a directora técnica de Deportes da Deputación de Pontevedra, Xisela Aranda, destacou os elementos clave do evento: persoas, territorio e deporte.
O concelleiro de Deportes de Salvaterra, Edgar Martínez, salientou a alta participación e a boa organización. O segundo da Comandancia Naval do Miño, Carlos López, confirmou a disposición da Armada para colaborar, axudando a dar a coñecer a súa misión no río.
