O Servizo de Atención Temperá é un conxunto de intervencións deseñado para responder canto antes ás necesidades de nenos e nenas de 0 a 6 anos que presentan trastornos no desenvolvemento ou que están en risco de padecelos. O seu obxectivo principal é facilitar o desenvolvemento da autonomía persoal e a inclusión social destes menores.
A poboación infantil de 0 a 6 anos e as súas familias empadroadas nos concellos de Curtis, Aranga, Sobrado, Coirós e Boimorto son os beneficiarios deste servizo.
O equipo profesional que presta este servizo está conformado por unha psicóloga, unha logopeda e unha terapeuta ocupacional, garantindo unha atención especializada e multidisciplinar.
A atención é totalmente gratuíta para as familias usuarias. O servizo desenvólvese en dous puntos clave: no Centro de Ocio do CEIP de Curtis e no Centro de Ocio do CEIP de Teixeiro.
As familias interesadas en solicitar este servizo poden contactar a través do correo electrónico ou chamando aos teléfonos 686092191 (para Curtis) e 682021488 (para Teixeiro).
