O recoñecido artista, cunha ampla traxectoria e numerosos galardóns nacionais e internacionais, recibirá un premio de 1.500 euros. A súa obra foi seleccionada entre as moitas presentadas, que demostraron unha alta calidade técnica e diversidade creativa.

O segundo premio, dotado con 750 euros, foi para José Manuel Pérez Pena pola súa fotografía Amencer. Este fotógrafo xa fora recoñecido na edición anterior co Premio Especial, consolidando a súa presenza no certame.

Ademais, o Premio Especial Carballo deste ano, cunha dotación de 500 euros, foi outorgado a Dmytro Yaroshevskyi pola imaxe titulada La ansiedad, destacando a mellor obra relacionada co municipio. Tamén se concedeu un accésit de 300 euros a Miguel Ángel Vijande Cea pola súa peza Roxanne.

O xurado, presidido pola concelleira de Cultura, e composto por profesionais de recoñecido prestixio no ámbito da fotografía, xunto con representantes do movemento asociativo e técnicos municipais, destacou a dificultade na elección debido ao elevado nivel das propostas.

A entrega de premios e a inauguración da exposición coas obras galardoadas e unha selección das mellores fotografías terán lugar o vindeiro mércores, 6 de maio, ás 20.00 horas no andar –1 do Pazo da Cultura. O Concello de Carballo convida a toda a cidadanía a participar neste evento cultural.