A iniciativa, que leva por título O eclipse total. Unha oportunidade única: que é e como gozalo, está deseñada para achegar á cidadanía os detalles e a mellor forma de observar este fenómeno astronómico.

O relator principal será Óscar Blanco Varela, director do Centro Astronómico de Trevinca e presidente da Agrupación Astronómica Coruñesa IO. Blanco Varela, recoñecido astrofotógrafo e divulgador con máis de 25 anos de experiencia na caza de eclipses, compartirá os seus coñecementos co público asistente.

No acto tamén participarán Noelia Freijeiro Novo, concelleira de Educación, Cultura, Patrimonio, Deportes e Turismo de Malpica, e Yolanda Díaz, presidenta da Asociación de Astroturismo da Costa da Morte.

Para asistir a esta xornada, que é de carácter gratuíto, é preciso inscribirse previamente. Os interesados poden facelo no departamento de Cultura do Concello de Malpica, chamando ao 981 70 71 04 (de luns a venres, de 09:00 a 14:00 horas) ou enviando un correo electrónico a anton.noceda@malpicadebergantinos.es. Tamén é posible contactar directamente coa Asociación de Astroturismo Costa da Morte a través do enderezo astroturismocm@gmail.com.