Os dous irmáns competiron no FIDAF Brazil World Championship 2026, a 22ª edición do Campionato do Mundo de Folclore organizado pola Federation of International Dance Festivals (FIDAF). O evento tivo lugar do 2 ao 6 de setembro en Nova Prata, Río Grande do Sul.
Andrés e Lucía viaxaron ao Brasil como parte dunha expedición de 29 persoas da asociación coruñesa Xacarandaina. Nesta entidade, tamén acadaron o subcampionato do mundo na categoría de grupos e o premio ao mellor vestiario.
“"Detrás deste título de campións do mundo hai moitas horas de ensaio, dedicación e compromiso coa música e co baile tradicional."
O rexedor destacou o valor do logro e o significado de que dous mozos de Caión alcancen este recoñecemento internacional. "Levar o nome de Caión e da Laracha a Brasil e conseguir alí un título mundial é algo moi especial. E facelo, ademais, representando a nosa cultura e o noso folclore, demostra a capacidade que ten a tradición galega para cruzar fronteiras e ser valorada e recoñecida en todo o mundo", concluíu López Varela.
O alcalde tamén valorou a experiencia compartida con Xacarandaina e os resultados da formación coruñesa. Durante a recepción, Lucía e Andrés compartiron as súas vivencias da viaxe e da competición co alcalde e a concelleira.
Este título mundial culmina unha experiencia internacional que tamén os levou a participar noutro festival na localidade de Imigrante.
