A retirada desta estrutura, que mide máis de 208 metros de longo, é unha vella demanda da confraría local e permitirá mellorar significativamente a oxixenación dos bancos marisqueiros da zona. O proxecto inclúe tamén a consolidación da área próxima á rampa do peirao mediante unha escollera formigonada.
O orzamento destinado a estes traballos ascende a 534.104,34 euros e estímase un prazo de execución dun ano. A intervención enmárcase nos esforzos por recuperar o dominio público marítimo-terrestre e renaturalizar a contorna do porto de Taragoña.
“"Desde o punto de vista paisaxístico trátase de elementos visuais que rompen a estética da paisaxe natural na costa."
A eliminación do espigón busca restablecer o equilibrio natural da liña de costa, favorecendo unha morfoloxía costeira máis estable e natural, sen as acumulacións ou perdas artificiais de area que estas construcións poden provocar. Esta medida contribuirá á mellora ecolóxica do contorno mariño e costeiro, xa que os espigóns poden alterar as correntes, a oxixenación e os hábitats mariños.
