O incidente tivo lugar arredor das 3:15 da madrugada no punto quilométrico 0,7 da OU-P-0000, na zona de Vide, que marca o límite entre os concellos de Baños de Molgas, Vilar de Barrio e Xunqueira de Ambía. A alerta inicial chegou ao 112 Galicia a través do sistema de aviso do propio concesionario do coche sinistrado.

Tras recibir o aviso, o 112 mobilizou de inmediato ao Servizo de Urxencias Sanitarias de Galicia-061, que confirmou que a condutora estaba atrapada no interior do turismo. Para a súa liberación, foi necesaria a intervención dos membros do GES de Maceda, que lograron excarcerar á muller.

Ademais do GES de Maceda e os servizos sanitarios, tamén se desprazaron ao lugar do sinistro os Bombeiros de San Cibrao das Viñas, a Garda Civil de Tráfico e efectivos da Agrupación de Voluntarios de Protección Civil da localidade. Unha vez liberada, a muller ferida foi evacuada polos sanitarios para recibir atención médica.