O período para formalizar as solicitudes estará aberto do 9 ao 24 de setembro. As inscricións deberán realizarse de xeito presencial na Casa da Cultura, tendo en conta que as prazas son limitadas.
A programación deste novo ciclo inclúe diversas disciplinas. En Música e Movemento, achegarase de forma lúdica ás artes á rapazada de 5º e 6º de educación infantil, con sesións os martes ou mércores de outubro. Para rapaces e rapazas de 6 anos (1º de primaria), ofrécese Prelinguaxe e Iniciación ao Piano, os luns ou mércores, e Iniciación Musical para nenos de 6 e 7 anos (1º e 2º de primaria), os luns.
A oferta tamén inclúe Linguaxe Musical para afianzar coñecementos teóricos a partir dos 7 anos, que se desenvolverá na Casa da Cultura de luns a mércores. Para a formación instrumental, haberá clases de Piano e Guitarra a partir dos 7 anos, de luns a venres e os xoves respectivamente.
Ademais, para manter vivas as tradicións, haberá obradoiros de Música Tradicional (Gaita e Percusión) e Pandeireta para maiores de 7 anos, con clases os venres e martes, respectivamente. A disciplina de Pintura estará dispoñible para nenos de 6 anos (de 1º a 6º de primaria), os luns ou mércores.
Para máis información, resolver dúbidas ou formalizar trámites, as persoas interesadas poden acudir á Casa da Cultura, chamar aos teléfonos 988 440 859 / 607 592 016 ou enviar un correo electrónico a cultura@allariz.gal.
