Na primeira edición da Copa de Europa de Patinaxe Artística, participaron preto de 600 deportistas de sete países europeos, competindo en diversas modalidades. A representación española obtivo oito medallas, incluíndo o bronce do CPA Luar de Ponteareas na categoría de Grupos Show Pequenos.
Durante a recepción, o Alcalde Luis Piña felicitou a María e Lía polo resultado, destacando o esforzo e a disciplina necesarios para este logro deportivo. Tamén estiveron presentes familiares, entre eles Javier Rocha, Presidente da Asociación Deportiva sobre Rodas da Cañiza, a quen o alcalde agradeceu o apoio ás mozas. A felicitación estendeuse ao club CPA Luar de Ponteareas.
O Alcalde animou ás deportistas a continuar coa súa traxectoria con ilusión e dedicación. Destacou que este triunfo subliña o bo momento do deporte xuvenil na Cañiza, cuxos deportistas están a destacar e a representar o municipio en múltiples competicións.
