As obras comezan despois dun longo proceso administrativo que permitiu chegar á fase de execución dun proxecto necesario para recuperar as condicións desta estrada municipal.
A intervención abrangue aproximadamente seis quilómetros de vía e conta cun investimento de algo máis de 300.000 euros.
A reforma permitirá acondicionar o trazado afectado e mellorar as condicións de circulación nunha estrada que comunica diferentes núcleos do municipio e que resulta importante para os desprazamentos habituais da veciñanza.
