A concelleira de Benestar Social, Elena Sierra, anunciou a celebración do III Encontro Día do Xubilado en Ribadeo o vindeiro 27 de setembro. O evento terá lugar na explanada da lonxa, no porto, e incluirá unha comida servida por Catering Sarredo.
As persoas interesadas poderán retirar as súas tarxetas, cun prezo de 15 euros por comensal, ata o día 23 de setembro. O pago realizarase con tarxeta de crédito. A retirada de entradas poderá facerse na Área de Benestar Social, situada no auditorio municipal, en horario de mañá de 9 a 14 horas, dende o día 10 de setembro.
Tras a comida, o Dúo Venus animará a sobremesa cunha actuación musical para amenizar a xornada.
A concelleira Elena Sierra quixo agradecer a colaboración da Xunta de Galicia e animou a todos os xubilados e xubiladas empadroados en Ribadeo a participar neste encontro, que busca fomentar a compañía entre amigos e veciños.
