A vila de Ribadeo vive os días grandes das súas festas patronais cunha intensa axenda de actividades. Tras o percorrido matinal dos Cocos e os Cabezudos, acompañados do cuarteto tradicional Illa Pancha, a programación continuará ao longo do día e mañá.
Para esta tarde, está prevista unha sesión vermú ás 14:00 horas a cargo do Dúo Venus. Pola noite, ás 20:30 horas, a Mekanika Rolling Band animará as rúas, mentres que ás 23:00 horas comezará a verbena no recinto feiral coas orquestras Los Satélites e Tekila. A medianoche, no peirao, terá lugar unha gran sesión de fogos artificiais a cargo de pirotecnia Reiriz.
Mañá, 8 de setembro, festivo local en Ribadeo, o Día da Patroa comezará ás 11:30 horas coa recepción de autoridades na Casa do Concello e o acompañamento á igrexa parroquial co cuarteto de gaitas Illa Pancha. Ás 12:00 horas celebrarase a misa solemne cantada pola Coral Polifónica de Ribadeo, seguida de procesión e concerto da Banda Municipal de Música ribadense.
No recinto feiral, haberá sesión vermú ás 14:00 horas co dúo Matices e, pola noite, ás 22:00 horas, festa verbena co grupo D’Cano. O broche final ás festas patronais será o concerto de Mägo de Oz ás 23:00 horas.
“"Animámolos a achegarse a Ribadeo a disfrutar dos fogos do 7 e de toda a programación que aínda temos por diante hoxe e mañá."
O alcalde, Dani Vega, agradeceu o traballo da comisión organizadora e desexou un feliz Día da Patroa a veciños e visitantes, animándoos a gozar da programación festiva.
