A VIII Carreira Nocturna Rinlo-Ribadeo, que se celebrará este sábado, 22 de agosto, acadou un récord de inscricións con 700 corredores e corredoras. A proba está organizada polo Club Atletismo Ribadeo coa colaboración do Concello, a Xunta, a Deputación de Lugo e Acisa.
O concelleiro de Deportes, Francisco José Silvent, destacou o traballo do club organizador e o apoio do Concello, que colaborou co Club Atletismo Ribadeo en todo o necesario. "Agardamos que participantes e familiares disfruten da carreira e do seu paso polo noso concello", sinalou.
Ademais da carreira, o pavillón municipal acollerá o domingo, 23 de agosto, ás 12:30 horas, un partido de baloncesto entre o Leite Río Breogán e o Spórting de Portugal.
“"Estamos encantados de poder gozar dun partido de primeiro nivel europeo nas nosas instalacións. Ribadeo é un referente no deporte e unha mostra máis é que contaremos con baloncesto de primeiro nivel en Ribadeo este domingo. Animamos a todos os amantes deste deporte a que se acheguen ao noso pavillón."
