O evento, organizado polo Centro de Iniciativas Turísticas (CIT), superou as expectativas, tanto pola cantidade de capturas como pola masiva asistencia de público. As rúas da localidade enchéronse de xente durante todo o día e tamén pola noite, consolidando a festa como un referente na comarca.
“"O río baixaba nunhas condicións case perfectas para pescar, e tamén fixo un día moi bo."
A mellora nas condicións de pesca, xunto cun clima favorable, contribuíron a un notable incremento no volume de troitas capturadas. A organización destacou a importancia da afluencia de visitantes para o beneficio da economía local, subliñando que o obxectivo de dinamizar o pobo se cumpriu con éxito. Tamén houbo unha gran asistencia á exhibición dos campións do mundo e ao curso de pesca, que contou con máis de cincuenta inscritos.
No concurso popular de pesca, o primeiro posto foi para Rubén Prado con catro pezas, seguido de Rubén Fraga, Antonio Mediante e Francisco Martiño, todos eles con igual número de capturas. José Edrosa acadou tres troitas. No campionato de pesca con mosca, o gañador da décimo oitava edición foi Alberto Mera, quen logrou sete pezas. O segundo lugar foi para Luis Frade, tamén con sete capturas, mentres que Roberto Cancio e Kevin Sanjurjo obtiveron seis pezas cada un, quedando en terceiro e cuarto posto respectivamente.
