A vivenda, situada en Xove, conta con tres dormitorios e unha superficie de 80,5 metros cadrados, ademais de rocho. A entrega realizouse esta mañá, segundo informou a administración autonómica.
O delegado territorial, Alfonso Villares, aproveitou a ocasión para lembrar aos cidadáns a importancia de inscribirse no Rexistro único de demandantes de vivenda, un trámite que se pode realizar tanto de forma presencial como telemática, para poder optar a futuras adxudicacións.
Villares subliñou o compromiso da Xunta co acceso á vivenda, un obxectivo que se persegue mediante o incremento do parque público, a construción de novas edificacións e a ampliación dos requisitos de ingresos para chegar a máis poboación. Tamén sinalou que o Instituto Galego da Vivenda e Solo (IGVS) mantén abertas diversas convocatorias de axudas para a compra, rehabilitación ou alugamento de inmobles.
