Segundo a comunicación oficial, as xornadas festivas no termo municipal serán o 17 de febreiro, coincidindo co Martes de Carnaval, e o 31 de agosto, con motivo da Festa Patronal de San Bartolomé.
En canto á recadación, o Servizo Provincial de Recadación da Deputación de Lugo permite realizar trámites como o pagamento de recibos ou cambios de domiciliación a través do seu portal web mediante certificado dixital. Aqueles contribuíntes que non teñan domiciliados os seus pagamentos recibirán os documentos por correo ordinario.
O consistorio lembra que a falta de recepción dos avisos non exime da obriga de pagamento. En caso de dúbida sobre os recibos de vehículos ou o IBI, os veciños poden dirixirse ás oficinas municipais ou contactar co teléfono 982 592 001.
O horario de atención ao público nas dependencias municipais mantense de luns a venres, entre as 8:30 e as 14:30 horas.
