A partir do venres 7 de agosto ás tres da tarde, quedará restrinxido o acceso rodado a diversas vías da localidade. Os cortes afectarán á Avenida da Mariña, dende a rotonda de Abanca ata Correos, así como ás rúas Aduana, Campos, Torno, Beiramar, Caosa, Hospital, Miramar, Figueiras, Anzuela, Coto e Penamea. Tamén se pecharán as prazas de O Lugar e Penal, ademais da zona de Porto de Arriba.
Só se permitirá a entrada de vehículos autorizados, incluíndo os de emerxencias, reparto e servizos municipais. Para solicitar un pase de acceso a estas zonas restrinxidas, os interesados poderán facelo ata o 5 de agosto, nas mañás, na casa da cultura sancibrense.
Ademais, dende o xoves 6 de agosto ás once e media da noite, estará prohibido estacionar na Avenida da Mariña, na Rúa do Torno e Beiramar, así como no aparcadoiro situado fronte á Casa do Mar.
