O delegado territorial da Xunta, Alfonso Villares, visitou este martes en Cervo aos integrantes do Club Natación PortaMiñá Lugo, que se atopan en plena preparación para a vindeira tempada 2026/2027. A entidade lucense celebra unha semana de convivencia na localidade mariñá como paso previo ao inicio das competicións.
Durante a súa visita, Villares felicitou á entidade polos éxitos acadados na última campaña e puxo en valor "o traballo e dedicación dos nadadores e nadadoras e o esforzo do equipo técnico" do club. Tamén recalcou a importancia do impulso ao deporte base dende idades temperás.
“"o traballo e dedicación dos nadadores e nadadoras e o esforzo do equipo técnico"
Esta aposta pola promoción da actividade física entre a infancia e a xuventude enmárcase na liña de actuación da Xunta, que fomenta o deporte entre os nenos e nenas a través de programas como o de deporte escolar Xogade. Este programa acadou no curso pasado a case o 60% do alumnado galego.
