O delegado territorial de Lugo, Alfonso Villares, acompañado da alcaldesa de Viveiro, Mariña Gueimunde, visitou a zona para explicar os detalles da intervención. A Consellería do Medio Rural, a través da Axencia Galega de Desenvolvemento Rural, achega o 80% do financiamento das obras mediante un convenio subscrito co Concello.
A finalidade principal desta actuación é a posta en valor deste espazo público, recuperando un elemento con valor etnográfico para o seu uso sociocultural. Preténdese así contribuír á preservación da historia, a tradición e a identidade local.
Ademais, os traballos previstos tamén buscan mellorar o ambiente e a paisaxe da contorna, reforzando a oferta turística do municipio. A recuperación deste lugar permitirá incorporalo ás rutas turísticas de Viveiro.
Alfonso Villares destacou o compromiso da Xunta na colaboración cos concellos para impulsar proxectos que dinamicen os municipios da provincia de Lugo e melloren a calidade de vida da cidadanía.
