As celebracións comezarán o sábado 26 de setembro ás 14:00 horas cunha sesión vermú amenizada por Luxor Music Show. A actividade continuará pola noite, a partir das 22:30 horas, cunha verbena na que participarán Luxor Music Show e a Discomóbil Conxuro.
A xornada do domingo 27 de setembro centrarase nos actos tradicionais. O grupo Fol do Raxal será o encargado de realizar o pasarrúas matinal. Ás 13:00 horas celebrarase a misa solemne, que contará coa participación do Coro de Cervo, seguida da procesión polas rúas da localidade.
Tras os actos relixiosos, a programación pecharase cunha sesión vermú prolongada a cargo da Discomóbil Conxuro. A administración local fixo un chamamento á veciñanza e aos visitantes para que participen nestas xornadas de convivencia e tradición.
