O deportista, internacional coa selección de Andorra, chega á entidade da Mariña en calidade de cedido polo Inagroup El Ejido, equipo que logrou recentemente o ascenso á Primeira División.
O novo integrante do conxunto laranxa conta con experiencia previa no fútbol sala galego, tras a súa etapa no Lugo Sala durante a tempada 2024-25. A súa chegada busca achegar velocidade e intensidade ao bloque competitivo que está a conformar o club para o novo curso.
O xogador destacou a continuidade de figuras clave no equipo e a calidade do bloque actual como factores determinantes para a súa decisión de unirse ao proxecto burelense.
