A conselleira de Medio Rural visitou este sábado as obras realizadas no camiño de Malates, enmarcadas neste programa. Estas intervencións buscan fortalecer a infraestrutura viaria do rural, facilitando o acceso e a saída dos produtos agroalimentarios da zona.
“"Son infraestruturas estratéxicas na dinamización social e económica do agro, ao tempo que contribúen a vertebrar o territorio e a facilitar a saída dos produtos agroalimentarios que se producen nestas zonas."
O programa, do que poden beneficiarse todos os municipios galegos, subvenciona a ampliación e mellora de camiños que dan acceso a núcleos de poboación. Inclúe financiamento para ensanchar vías, mellorar curvas e puntos de baixa visibilidade, renovar pavimentos e construír drenaxes.
A nova convocatoria do Plan Camiña Rural 2026-2027 dispón dun orzamento global de 19 millóns de euros para toda Galicia, dos cales o concello de Foz ten asignados máis de 61.000 euros. O goberno local ten pendente de licitar máis obras en parroquias por un valor de 396.000 euros, ademais da próxima adxudicación da mellora das rúas Atalaia e Uxío Novoneyra, cun investimento de 50.000 euros.
