Os clientes que realicen as súas compras nos establecementos de Foz entre o venres 24 de abril e o 5 de maio terán a oportunidade de participar neste sorteo. Os premios consisten nunha peza artística creada por unha artista local e catro vales de 100 euros cada un. O sorteo celebrarase o 8 de maio en Radio Foz.
“"En Foz contamos cun comercio moi variado no que encontrar todo o que precisamos para agasallar e sorprender ás mamás o vindeiro 3 de maio. Ademais de regalar agardamos que a xente aproveite a ocasión para celebralo na hostelería local."
A iniciativa conta co apoio da Xunta de Galicia, Comercio Galego e o Concello de Foz. Na presentación da campaña, que tivo lugar este xoves, estiveron presentes representantes da asociación, así como o alcalde e a concelleira de Comercio da localidade.
