A instalación fotovoltaica para a Estación de Tratamento de Auga Potable (EDAR) no Concello de Sandiás, situada na aldea de Piñeira de Arcos, realízase ao amparo da Orde do 28 de Decembro de 2023 e da liña de concorrencia competitiva do Fondo de Compensación Ambiental para o ano 2026. O orzamento total ascende a 37.579,96 Euros. Operarios especializados da empresa ELYTE XINZO levan a cabo os traballos de instalación.
As actuacións pretenden a instalación de placas fotovoltaicas de autoconsumo de 15 kW co obxectivo de mellorar a eficiencia enerxética das instalacións de abastecemento de auga mediante a utilización de enerxías renovables. Buscase evitar a degradación ambiental e acadar unha mellora coa redución das emisións de gases de efecto invernadoiro á atmosfera, así como un aforro económico importante tanto por mantemento da instalación como por factura enerxética.
Así mesmo, garántese con maior seguridade o funcionamento das instalacións e mellóranse as condicións de vida dos veciños e veciñas ao dotar á zona de novas infraestruturas básicas relacionadas co abastecemento público.
