A Consellería do Medio Rural informou hoxe do control do incendio forestal que afecta o concello ourensán de Calvos de Randín, na parroquia de Randín. O lume, que comezou ás 13,36 horas do pasado xoves, afecta provisionalmente unha superficie de 518 hectáreas.
Debido á proximidade do lume ao núcleo de As Meaus, no concello veciño de Baltar, declarouse a Situación 2 como medida preventiva, aínda que esta emerxencia xa foi desactivada. Na extinción participaron un total acumulado de 7 técnicos, 47 axentes, 54 brigadas, 33 motobombas, 5 pas, 6 unidades técnicas de apoio, 10 helicópteros e 11 avións.
“"A Consellería do Medio Rural lembra que está a disposición da cidadanía o número de teléfono gratuíto 085, ao que deben chamar en caso de detectar algún lume forestal."
Ademais, a Consellería recorda a existencia da aplicación móbil ALume para avisar sobre incendios forestais activos en Galicia e un teléfono anónimo gratuíto (900 815 085) para denunciar actividades incendiarias sospeitosas. A información actualizada sobre incendios de máis de 20 hectáreas está dispoñible na conta de X @incendios085.
