O delegado territorial de Lugo, Alfonso Villares, participou hoxe en Baleira na presentación deste evento, organizado pola asociación cultural Camiño Primitivo co respaldo da Xunta de Galicia.
Villares destacou a importancia de dar continuidade a esta cita, que cualificou como un enriquecemento da oferta de ocio estival do municipio. Subliñou que a foliada é unha homenaxe aos veciños e veciñas que marcharon a outros lugares, pero que manteñen o vínculo e regresan aos seus pobos de orixe coas súas familias.
A xornada festiva inclúe unha feira de artesanía e animación musical. Para participar na comida popular, é necesario adquirir previamente os tíckets nos bares da localidade ou chamando ao teléfono 626 376 642.
A programación pecharase co concerto do grupo Ardentía, a partir das 22:00 horas, seguido dunha sesión a cargo do DJ Valiño.
