O evento, que terá lugar no local La Calle, situado no número 19 da avenida da Mariña, promete encher o espazo de patos de goma. Estes elementos decorativos estarán presentes en cada recuncho, dende a barra ata as consumicións, pasando polo chan e as paredes, creando unha atmosfera lúdica e diferente.
A iniciativa busca recrear o ambiente dunha festa na piscina ou na praia, co pato como protagonista central. A organización, composta polos responsables do desaparecido local Amoa, agarda repetir o éxito que este tipo de eventos tivo no pasado.
“"A festa nace coa idea de recrear unha festa na piscina ou na praia, co pato como eixo central da festa. Ao longo da noite regalamos diferentes obxectos como gorros, camisas ou flotadores de patiños, e a idea é que todos fagamos o pallaso ao ritmo do pato."
A entrada para esta particular celebración ten un custo de 10 euros e inclúe dúas consumicións, sempre que o acceso se realice antes das 03:00 horas. A música estará a cargo de tres DJs, incluído o residente Dj Pereiro, que ofrecerán unha mestura de reggaeton actual e clásico, con puro ambiente de verbena.
