O Servizo de Deportes da Universidade da Coruña (UDC) vén de facer públicos os calendarios de inscrición e inicio de actividades dirixidas e de sala de fitness para a comunidade universitaria e o público en xeral.
Para a comunidade universitaria, os prazos comezarán o 1 de setembro co abono de deporte ás 9:00 h. O adestramento funcional e a terceira hora terán o seu prazo o 14 de setembro ás 8:30 h. Para o resto de actividades dirixidas, a inscrición abrirase o 15 de setembro ás 8:30 h, mentres que a sala de fitness e musculación terá o seu inicio de prazos o 16 de setembro ás 8:30 h.
En canto ao público en xeral, a matrícula para a sala de fitness e as actividades dirixidas comezará o 21 de setembro ás 8:30 h.
A actividade na sala de fitness/musculación dará comezo o 21 de setembro. As actividades dirixidas tamén iniciaranse nesa mesma data, sempre que acaden o número mínimo de inscricións requirido.
