A xornada inaugural do venres comezará ás 15.45 horas coa actuación de Pavlenha, seguida por Mafalda Cardenal ás 17.00 horas. Un dos momentos máis esperados será o Recorda Sessions ás 18.30 horas, unha cita nostálxica que reunirá a artistas como Natalia Rodríguez, Selena Leo, Raúl, Fran Perea, o dúo Ella Baila Sola e David Civera, revivindo éxitos de finais dos 90 e principios dos 2000.
A noite continuará con actuacións de gran calibre: Sidecars abrirá a quenda principal ás 21.00 horas, seguidos pola Maravillosa Orquesta del Alcohol ás 22.45 horas. Máis tarde, chegarán Cali y el Dandee ás 00.40 horas e o peche correrá a cargo de Juan Magán ás 2.15 horas.
O sábado, o festival arrincará ás 15.30 horas con Hydn. A programación continuará con Hey Kid (16.40h), Inazio (17.30h), Marlon (18.50h), Taburete (20.30h) e Hombres G (22.20h). A recta final da xornada incluirá a Álvaro de Luna (00.35h), Modo Perreo (2.00h) e o broche final de Galician Army ás 3.10 horas.
